GUARDASTALLUM

GUARDASTALLUM

sive Guardistallum, apud scriptores mediae aetatis, postea Vastalle, et Guastalle, uti et vulgo dicitur, opp. Galliae Oispadanae, ad citeriorem Padi fluv. ripam, medium inter Mantuam et Regium Lepidi, utringque 18. mill. pasl. distans, elegans, et minime obscûrum, a Ferrando Gonzaga Principe, et primo illius Duce, olim a Ferdinando II. Imp. creato, auctum, novisqueve moenibus septum: ac aliquot coenobiis (in quibus unum pro Monialibus nuper magnificentissime exstructum est) exornatum, ita ut sola dignitas Episcopalis propediem illi conferenda desideretur. Hîc sub Paschali II. Pontifice Rom. Concilium habitum est A C. 1116. ut in 2. P. Decretal. Gratina c. 16. legitur.